Muawtta Imam Muhammad: Hadith 986

عبید اللہ بن عبداللہ نے بیان کیا کہ رسول اللہ (صلی اللہ علیہ وآلہ وسلم) ایک مردہ بکری کے قریب سے گزرے ۔ جو آپ (صلی اللہ علیہ وآلہ وسلم) نے ام المؤمنین میمونہ کے آزاد کردہ غلام کو دی تھی۔ آپ (صلی اللہ علیہ وآلہ وسلم) نے فرمایا۔ اس کی کھال سے کیوں نہ فائدہ اٹھایا گیا۔ لوگوں نے عرض کیا یا رسول اللہ (صلی اللہ علیہ وآلہ وسلم) یہ مردار ہے۔ آپ (صلی اللہ علیہ وآلہ وسلم) نے فرمایا۔ صرف ( اس کے گوشت) کا کھانا حرام کیا گیا ہے)
قول محمد (رح) یہ ہے : کہ ہم اسی کو اختیار کرتے ہیں۔ جب مردار کے چمڑے کی دباغت کرلی جائے تو وہ پاک ہوجاتا ہے۔ اور یہی اس کی پاکیزگی ( کا باعث) ہے۔ اس سے نفع اٹہانے میں کوئی حرج نہیں نہ اس کی فروخت میں کوئی برائی ہے۔ یہی امام ابوحنیفہ (رح) اور ہمارے عام فقہاء کا قول ہے۔