اسلم نے بیان کیا کہ عمر بن خطاب (رض) رات کو جتنی دیر اللہ تعالیٰ چاہتا نماز ادا فرماتے، جب رات کا پچھلا حصہ ہوتا تو پھر اپنے گھر والوں کو نماز کے لیے جگاتے اور ان سے فرماتے، نماز، نماز ( کہ اتھ کر نماز پڑھو، نماز پڑھو) پھر یہ آیت تلاوت فرماتے وامر اہلک بالصلوۃ واصطبر علیہا لا نسئلک رزقا نحن نرزقک والعاقبۃ للتقوی۔ اپنے گھر والوں کو نماز کا حکم دو اور اس پر قائم رہو ہم تم سے رزق نہیں مانگتے ہم ہی تو تمہیں رزق دینے والے ہیں اور اچھا انجام تقوی ( والوں ) کا ہے