نافع بیان کرتے ہیں کہ عبداللہ بن عمر (رض) نے ارشاد فرمایا جو شخص اپنی بیوی سے ایلاء کرلے۔ جب چار ماہ گزر جائیں۔ حاکم شوہر کو طلاق دینے یا رجوع کرنے پر مجبور کرلے۔ اگر چار ماہ طلاق دینیی کے بغیر گزر جائیں تو طلاق واقع نہ ہوگی۔ پس چارہ ما کے اندر شوہر کو حاکم مجبور کرے۔
(امام مالک (رح) نے ان ندونوں آثار کو باب الایلاء میں ذکر فرمایا ہے)
قول محمد (رح) یہ ہے کہ ہمیں حضرت عمر، عثمان، ابن مسعود زید بن ثابت (رض) عنہم کی روایت پہنچی ہے کہ جب کوئی شخص اپنی بیوی سے ایلاء کرلے اور رجوع سے پہلے چار ماہ گزر جائیں تو یہ ایک طلاق بائنہ ہوجائے گی۔ اور شوہر کی حیثیت اس شخص جیسی ہوگی جو شادی کا پیغام پہنچانے والا ہو۔ یہ حضرات چارہ ماہ کے بعد شوہر کو مجبور کرنا ضرور قرار نہ دیتے تھے۔
ابن عباس (رض) نے للذین یولیون من نساہ م تا غفور رحیم کی تفسیر کرتے ہوئے فرمایا کہ الفیء سے مراد چارہ ماہ کے اندر معاشرت کرلینا ہے۔ اور ان عزموا الطلاق سے چار ماہ گزر جانا مراد ہے۔ جب چار ماہ گزر جائیں تو ایک طلاق بائنہ واقع ہوجائے گی اس کے بعد شوہر کو مجبور نہ کیا جائے گا۔ عبداللہ بن عباس (رض) کو تفسیر قرآن کا ملکہ دوسروں سے زیادہ مقدار میں میسر ہوا تھا۔ اور یہی امام ابوحنیفہ (رح) اور ہمارے عام فقہاء کا حناف کا قول ہے۔