محمد بن ایاس بن بکر (رح) بیان کرتے ہیں کہ ایک شخص نے مباشرت سے پہلے اپنی بیوی کو تین طلاق دے دیں۔ پھر اس نے اس سے نکاح کرنا چاہا۔ وہ ابوہریرہ اور ابن عباس (رض) کی خدمت میں مسئلہ معلوم کرنے کی غرض سے حاضر ہوا۔ محمد کہتے ہیں کہ میں بھی ان کے ساتھ تھا۔ انھوں نے ارشاد فرمایا۔ وہ عورت اس کے نکاح میں نہیں آسکتی جب تک دوسرے مرد سے نکاح نہ کرے۔ سائل نے کہا میری تو ایک ہی طلاق تھی۔ ابن عباس (رض) عنہا نے فرمایا تمارے ہاتھ میں جو اختیار تھا وہ تم نے کھودیا۔ (اس روایت کو باب طلاق البکر میں امام مالک (رح) نے ذکر کیا ہے) ۔
قول محمد (رح) یہ ہے : ہم اسی کو اختیار کرنے والے ہیں۔ امام ابوحنیفہ (رح) اور ہمارے عام فقہاء کا یہی قول ہے کیونکہ اس نے تینوں طلاقیں ایک ساتھ دی ہیں۔ اس لیے تمام ایک ساتھ واقع ہوں گی۔ اگر وہ ان میں تفریق کرتا تو صرف پہلی واقع ہوتی اور وہ طلاق بائنہ ہوتی اس سے پہلے کہ وہ کلام کرتا اور اس عورت پر عدت بھی نہیں پس اس پر دوسری اور تیسری طلاق واقع ہوگی جب تک وہ عدت میں ہے۔ جب عدت نہیں تو دوسری، تیسری طلاق بھی نہیں۔