عبداللہ بن ابی ملیکہ (رض) نے نقل کی کہ نبی اکرم (صلی اللہ علیہ وآلہ وسلم) کی خدمت میں ایک عورت آئی اور اس نے بیان کیا کہ وہ زنا کی مرتکب ہوئی ہے۔ اور وہ حاملہ ہے۔ آپ (صلی اللہ علیہ وآلہ وسلم) نے فرمایا۔ اب چلی جاء ! جب تک وضع حمل نہ ہوجائے جب بچہ پیدا ہوگیا۔ تو وہ آگئی فرمایا ابھی واپس جاؤ۔ جب تک تو اسے دودھ پلائے۔ جب دودھ کی مدت ختم ہوگئی تو وہ پھر آگئی۔ آپ نے فرمایا جا اور اس لڑکے کو کسی کے سپر کردے۔ پھر وہ بچے کو سپرد کر کے آئی۔ تو آپ (صلی اللہ علیہ وآلہ وسلم) نے اس پر رجم کا حکم نافذ کردیا۔ اور اس پر حد جاری فرمادی۔ ( یہ عورت قبیلہ جہینہ کی شاخ غامدیہ سے تھی۔ دوسری احادیث سے اس کی نماز جنازہ کا ثبوت بھی ملتا ہے)
(یہ روایت بھی باب الرجم میں ہے)