جعفر بن محمد (رح) نے اپنے والد محمد بن باقر (رح) سے بیان کیا کہ رسول اللہ (صلی اللہ علیہ وآلہ وسلم) نے ایک گواہ کے استھ قسم کے بعد فیصلہ فرمایا۔ ( اس روایت کو امام مالک نے باب القضاء بالیمین مع الشاہد میں ذکر کیا ہے) یہ حدیث مرسل ہے مگر مسلم، ابو داؤد و ترمذی ابن ماجہ نے ابن عباس اور جابر سے موصولا نقل کی ہے۔
قول محمد (رح) یہ ہے : کہ ہمیں نبی اکرم (صلی اللہ علیہ وآلہ وسلم) کا ارشاد اس کے خلاف پہنچا ہے۔ جس کو ابن ابی زئب نے ابن شہاب زہری سے نقل کیا کہ میں نے ان سے ایک گواہ کے ساتھ قسم کے متعلق دریافت کیا۔ تو انھوں نے فرمایا یہ بدعت ہے۔ اور پہلا شخص جس نے اس کے ساتھ فیصلہ کیا وہ امیر معاویہ رضی ارللہ عنہ ہے اور اہل مدینہ کے ہاں ابن شہاب زہری دوسروں کی نسبت حدیث کو زیادہ جاننے والے ہیں۔ اسی طرح ابن جریج اور عطاء بن رباح نے بھی روایت کی ہے۔ انھوں نے کہا ابتداء میں ندو گواہوں کے بغیر فیصلے نہیں کیے جاتے تھے۔ سب سے پہلے جس نے ایک گواہ اور ایک قسم کے ساتھ فیصلہ کیا وہ عبد الملمک بن مروان تھا۔