ابو غطفان بن طریف مری کہتے ہیں کہ زید بن ثابت اور ابن مطیع (رض) کا ایک مکان کے سلسلہ میں جھگڑا ہوا مروان بن الحکم (حاکم مدینہ) نے زید بن ثابت کے لیے فیصلہ کیا وہ منبر نبوی کے قریب قسم کھائیں۔ زید نے کہا میں یہیں قسم کھاؤں گا۔ مرواننی کہا اللہ کی قسم نہیں ! جہاں مقدمات کے فیصلے کئے جاتے ہیں وہاں قسم کھاؤ۔ اوب غطفان کہتے ہیں کہ زید بن ثابت (رض) نے اپنے دعوے کے حق میں قسم کھائی۔ لیکن منبر نبوی کے قریب قسم کھانے سے انکار کیا۔ مروان کو اس بات پر تعجب ہوا۔ ( اس روایت کو باب جامع ما جاء فی الیمین علی المنبر میں امام مالک نے ذکر کیا ہے)
قول محمد (رح) یہ ہے : کہ ہم زید بن ثابت کے قول پر عمل کرتے ہیں۔ کہ آدمی جہاں بہی قسم گہائے جائز ہے۔ اگر زید بن ثابت ( منبر کے قریب حلف کو ) ضروری قرار دیتے تو اس کا انکار نہ کرتے۔ وہ اس حق کو دے دیتے جو ان کے ذمہ بنتا تھا۔ لیکن انھوں نے اس حق کو دینا ناپسند جو ان کے ذمہ بنتا ہی نہ تھا۔ پس وہ اس بات کے زیادہ حق دار ہیں کہ ان کے قول و فعل کی اتباع کی جائے ان لوگوں کی نسبت جنہوں نے ان سے قسم طلب کی تھی۔