عبد الرحمن بن ابی عمرہ انصاری نے بتلایا کہ مجھے زید بن خالد جہنی (رض) نے خبر دی کہ رسول اللہ (صلی اللہ علیہ وآلہ وسلم) نے ارشاد فرمایا کیا میں تمہیں یہ نہ بتلادوں کہ گواہوں میں بہترین گواہ وہ ہے جو خود گواہی دے۔ یا سوال سے پہلے وہ گواہی کی اطلاع دے ( اس روایت کو امام مالک (رح) نے باب ما جاء فی الشہادات میں ذکر کیا ہے)
قول محمد (رح) یہ ہے : کہ ہم اسی کو اختیار کرتے ہیں کہ جس کسی کے پاس کوئی شہادت ہو اور وہ انسان اس گواہی کو نہ جانتا ہو تو اسے بتلا دینا چاہیے خواہ وہ اس سے دریافت نہ کرے۔