ابن شہاب (رح) سعید بن المسیب سے نقل کرتے ہیں کہ رسول اللہ (صلی اللہ علیہ وآلہ وسلم) نے فرمایا کہ رہن کو نہ روکا جائے۔ ( اس روایت کو باب ما لا یجوز من غلق الرہن میں امام مالک نے ذکر کیا ہے)
قول محمد (رح) یہ ہے : کہ ہم اسی کو اختیار کرتے ہیں۔ آپ (صلی اللہ علیہ وآلہ وسلم) کے ارشاد رہن نہ روکا جائے، کی تشریح اس طرح ہے۔ کہ کوئی شخص کسی کے ہاں کوئی چیز رہن رکھے۔ اور کہے اگر میں تمہارا مال اس قدر مدت میں ادا کرسکا تو بہتر ورنہ رہن تمہارے مال کے بدلہ میں تمہارا ہے۔ رسول اللہ (صلی اللہ علیہ وآلہ وسلم) نے فرمایا رہن کو روکا نہ جائے۔ وہ رہن رکھنے والے کے مال کا عوض نہیں ہوسکتا۔ ہم بہی یہی کہتے ہیں۔ یہی امام ابوحنیفہ (رح) کا قول ہے۔ امام مالک (رح) کے ہاں بہی اس کی تشریح یہی ہے۔