Al Tahawi: Hadith 1040

١٠٤٠: قرہ بن حیان بن الحارث کہتے ہیں ہم نے حضرت علی بن ابی طالب (رض) کے ساتھ سحری کھائی ‘ جب سحری سے فارغ ہوئے تو مؤذن کو حکم دیا اس نے (اذان کہی) پھر نماز کی امامت کرائی۔ امام طحاوی (رح) کہتے ہیں کہ یہ حدیث بتلا رہی ہے کہ حضرت علی (رض) طلوعِ فجر کے وقت نماز میں داخل ہوتے۔ اس روایت میں آپ کے نماز سے نکلنے کی کوئی دلیل موجود نہیں ‘ ممکن ہے کہ آپ قراءت کو لمبا کرتے ہوں اور اندھیرے اور روشنی کے دونوں اوقات کو پالیتے ہوں۔ ہمارے نزدیک یہ بہترین بات ہے اب ہم ایسے آثار پیش کرتے ہیں جو اس پر دلالت کریں۔
تخریج : ابن ابی شیبہ ٢؍٢٧٦‘ بیہقی ١؍٥٦٣۔ الجواب نمبر ١: اس حدیث میں تو اتنی بات معلوم ہوتی ہے کہ آپ نے نماز غلس میں شروع فرمائی نماز کی فراغت کا اس میں تذکرہ نہیں پھر غلس کی افضلیت پر دلیل نہیں بن سکتی۔ قدیحتمل ان یکون سے امام طحاوی (رح) نے اپنا مؤقف شروع کیا ہے چنانچہ فرماتے ہیں یہ عین ممکن ہے کہ غلس میں نماز میں داخل ہوئے اور طویل قراءت فرمائی اور روشنی میں فارغ ہوئے اور اس کے لیے یہ روایت دلیل ہے جس کو ابو بشرالرقی نے نقل کیا ہے۔