Al Tahawi: Hadith 1160

١١٦٠: ابن عباس (رض) روایت کرتے ہیں کہ میں نے عثمان بن عفان (رض) سے سوال کیا تم نے سورة انفال کو جو کہ سبع طوال سے ہے اور سورة برأت جو کہ مئین سے ہے کیونکر ملا کر سبع طوال میں شامل کیا اور ان کے مابین فاصلہ کے لیے بسم اللہ الرحمن الرحیم کیوں نہیں لکھی اس پر عثمان (رض) نے جواب دیا کہ جناب رسول اللہ (صلی اللہ علیہ وآلہ وسلم) پر جب وحی نازل ہوتی اور آیت اترتی تو آپ فرماتے اس کو فلاں فلاں سورة کی فلاں آیت کے بعد لکھ دو ان دونوں سورتوں کا واقعہ بڑی حد تک مشابہت رکھتا ہے جناب رسول اللہ (صلی اللہ علیہ وآلہ وسلم) کی وفات ہوگئی اور اس سلسلہ میں سوال نہ کرسکا پس مجھے خطرہ ہوا کہ ہوسکتا ہے کہ یہ اسی سورت کا حصہ ہو تو میں نے ان کو ملا دیا اور بسم اللہ کی سطر ان کے مابین اس لیے نہیں لکھی (کہ آپ (صلی اللہ علیہ وآلہ وسلم) نے نہیں فرمایا) اس لیے ان کو سبع طوال میں شامل کیا۔ امام طحاوی (رح) فرماتے ہیں کہ یہ عثمان غنی (رض) ہیں جو یہ بتلا رہے ہیں کہ بسم اللہ الرحمن الرحیم ان کے ہاں سورت کا حصہ نہیں بلکہ اسے سورتوں میں فاصلے کے لیے لکھتے ہیں کہ وہ آیات اس سورت کے علاوہ ہیں۔ پس یہ وہ اختلافی بات ہے جس کی طرف ابن عباس (رض) گئے ہیں اور بہت سارے آثار جناب رسول اللہ (صلی اللہ علیہ وآلہ وسلم) اور ابوبکر و عمرو عثمان (رض) سے آئے ہیں کہ وہ بسم اللہ میں جہر نہ کرتے تھے۔ یہ روایات اس کی دلیل ہیں۔
تخریج : ابو داؤد فی الصلاۃ باب ١٢٢‘ نمبر ٧٨٦‘ ترمذی فی تفیسر سورة نمبر ٩‘ باب ١‘ نبمر ٣٠٨٦‘ نسائی فی السنن الکبرٰی کتاب فضائل القرآن نمبر ٨٠٠٧‘ مسند احمد ١؍٥٧؍٦٩۔
لیجئے : یہ حضرت عثمان (رض) اس روایت میں بتلا رہے ہیں کہ بسم اللہ سورت کا حصہ نہیں اس کو فاصلہ سور کے لیے لکھا جاتا تھا مگر یہ ان سورتوں کا جز نہ تھی اس سے یہ ثابت ہوا کہ یہ فاتحہ کا بھی جز نہیں پس روایت ابن عباس (رض) سے یہ مفہوم لینا کہ بسم اللہ سورة فاتحہ کا جز ہے اس لیے اس کو ابن عباس (رض) نے سبع مثانی فرمایا ہے یہ درست نہیں اور جب جز نہ ہوئی تو فاتحہ کے جہر پر قیاس کر کے اس کا جہر ثابت نہیں ہوسکتا عدم جہر بسم اللہ پر مزید بہت سے آثار دلالت کرتے ہیں حضرت ابوبکر و عمرو عثمان (رض) اس کو نماز میں جہراً نہ پڑھتے تھے۔
روایات ملاحظہ ہوں :