Al Tahawi: Hadith 1182

١١٨٢: ولید بن قیس کہتے ہیں کہ میں نے سوید بن غفلہ سے دریافت کیا کیا ظہر و عصر میں قراءت کی جائے گی ؟ تو کہنے لگے نہیں۔ ان کے جواب میں یہ کہا جائے گا کہ ابن عباس (رض) والی روایت میں تمہارے حق میں کچھ بھی ثابت نہیں ہوتا کیونکہ ابن عباس (رض) کی روایت اس کے برعکس موجود ہے۔
تخریج : ابو داؤد فی الصلاۃ باب ١٢٧‘ نمبر ٨٠٩۔
حاصل روایات : ان آثار سے معلوم ہوتا ہے کہ ظہر و عصر میں مطلقاً قراءت نہیں ہے چنانچہ بعض لوگوں نے انہی آثار کو لے کر ظہر و عصر میں قراءت کا انکار کیا اور سوید بن غفلہ (رح) سے بھی ظہر و عصر کی قراءت کا انکار ثابت ہو رہا ہے۔
روایات کا جواب : ابن عباس (رض) کی روایت میں عدم قراءت کی کوئی دلیل نہیں ان سے اس کے برعکس روایت بھی منقول ہے وہ ملاحظہ ہو۔