Al Tahawi: Hadith 1237

١٢٣٧: محارب بن دثار نے حضرت جابر بن عبداللہ (رض) سے نقل کیا کہ معاذ نے اپنے ساتھیوں کو نماز مغرب پڑھائی تو سورة بقرہ یا نساء شروع کردی ایک آدمی نماز میں شامل ہوا پھر (طویل قراءت دیکھ کر) جماعت سے ہٹ گیا (الگ نماز پڑھ لی) یہ بات معاذ کو پہنچی تو انھوں نے کہا وہ منافق ہے یہ بات اس آدمی کو پہنچی تو وہ جناب رسول اللہ (صلی اللہ علیہ وآلہ وسلم) کی خدمت میں آیا اور اس بات کا تذکرہ کیا آپ (صلی اللہ علیہ وآلہ وسلم) نے معاذ کو (بلوا کر) فرمایا اے معاذ کیا تو لوگوں کو فتنے میں ڈالتا ہے اے معاذ کیا تو لوگوں کو فتنے میں مبتلا کرتا ہے اگر تو سبح اسم ربک الاعلٰی اور والشمس وضحاھا پڑھتا تو مناسب تھا اس لیے کہ تیری اقتداء میں ضرورت مند ‘ کمزور ‘ بچے ‘ بوڑھے نماز پڑھتے ہیں۔
تخریج : بخاری فی الادب باب ٧٤‘ والاذان باب ٦٠‘ مسلم فی الصلاۃ نمبر ١٧٨‘ ابو داؤد فی الصلاۃ باب ١٢٤‘ نمبر ٧٩٠٤‘ نسائی فی الاقامہ باب ٣٩؍٤١‘ والافتتاح باب ٦٣؍٧٠‘ مسند احمد ٣؍١٢٤؍٢٩٩‘ ٣٠٠؍٣٠٨۔