Al Tahawi: Hadith 1575

١٥٧٥: ازرق بن قیس کہتے ہیں کہ ہمیں ابو احیہ (رض) نے نماز پڑھائی پھر بیان کیا کہ جناب رسول اللہ (صلی اللہ علیہ وآلہ وسلم) نماز میں اپنے دائیں بائیں سلام پھیرتے تھے۔ امام طحاوی (رح) فرماتے ہیں کہ ہمیں کوئی ایسی روایت معلوم نہیں جو جناب رسول اللہ (صلی اللہ علیہ وآلہ وسلم) سے ثابت ہو اور وہ ان روایات میں موجود نہ ہو اور یہ روایات تمام حدیث دراوردی کے خلاف ہیں جس کی کمزوری ہم شروع باب میں نقل کرچکے ہیں۔ انھوں نے مندرجہ روایت کو بھی اپنا مستدل قرار دیا ہے۔
تخریج : ابو داؤد فی الصلاۃ باب ١٨٨‘ نمبر ١٠٠٧۔
امام طحاوی (رح) کہتے ہیں کہ نماز میں سلام پھیرنے کی صحیح روایات جو اس باب میں وارد ہیں وہ ہم نے یہاں بیان کردیں اب ان روایات کے بالمقابل دراوردی کی روایت کی کیا حیثیت رہ جاتی ہے جس کے اندر پائی جانے والی خرابیاں ہم نے ذکر کردیں۔
دو اہم اشکال :
حضرت عائشہ (رض) کی روایت میں ایک سلام کا تذکرہ موجود ہے پھر آپ کس طرح کہتے ہیں کہ ہم نے دو سلام کی تمام صحیح روایت نقل کردیں۔ روایات عائشہ (رض) یہ ہے۔