Al Tahawi: Hadith 1599

١٥٩٩: عبدالرحمن بن رافع تنوخی اور بکر بن سوادہ جذامی نے حضرت عبداللہ بن عمرو (رض) سے نقل کیا کہ جناب رسول اللہ (صلی اللہ علیہ وآلہ وسلم) نے فرمایا جب امام نے نماز کو پورا کرلیا اور وہ بیٹھا رہا تو اس کو بےوضگی کی حالت پیش آئی یا اس کے مقتدی کو ایسی حالت میں حدث لاحق ہوگئی جبکہ اس کے امام نے ابھی سلام نہ پھیرا تھا تو اس نے اپنی نماز کو پورا کرلیا پس وہ اعادہ نہ کرے۔
تخریج : ابو داؤد فی الصلاۃ باب ٧٢‘ نمبر ٦١٧‘ ترمذی فی الصلاۃ باب ١٨٣‘ نمبر ٤٠٨۔
حاصل روایات : یہ ہے کہ قعدہ کے بعد سلام سے پہلے حدث لاحق ہو تو نماز مکمل ہوجاتی ہے۔
امام طحاوی (رح) کہتے ہیں اس روایت کا مفہوم پہلی روایت سے مختلف ہے یہاں قعدہ کے بعد نماز کو کامل کہا گیا قعدہ اخیرہ کا لزوم ثابت ہو رہا ہے۔ اس روایت کا تیسرا انداز بھی ہے۔