Al Tahawi: Hadith 1673

١٦٧٣ : کریب نے حضرت ابن عباس (رض) سے روایت کی کہ میں نے ایک رات اپنی خالہ میمونہ کے ہاں گزاری۔ پس جناب رسول اللہ (صلی اللہ علیہ وآلہ وسلم) نے دو رکعت نماز ادا فرمائی۔ پھر دو رکعت ‘ پھر دو ‘ پھر دو رکعت ‘ پھر دو رکعت ‘ پھر دو رکعت ‘ پھر آپ (صلی اللہ علیہ وآلہ وسلم) نے وتر ادا فرمائے پھر آپ پہلو کے بل لیٹ گئے پھر آپ کی خدمت میں مؤذن آیا تو آپ نے کھڑے ہو کر دو ہلکی رکعات ادا فرمائی پھر نکل کر صبح کی نماز پڑھائی۔ اس روایت میں دو رکعات کا اضافہ ہے البتہ وتروں کے سلسلہ میں مخالف نہیں۔ پس جو کچھ ہم نے ابن عباس (رض) سے روایت کیا ہے۔ اگر ان کے معانی کو جمع کیا جائے تو وہ اس بات پر دلالت کرتے ہیں کہ جناب رسول اللہ (صلی اللہ علیہ وآلہ وسلم) تین رکعت وتر ادا فرماتے تھے۔ اس سلسلہ میں حضرت ابن عباس (رض) کا اپنا قول بھی اسی طرح منقول ہے۔ ملاحظ ہو۔