Al Tahawi: Hadith 1672

١٦٧٢ : حضرت کریب نے حضرت ابن عباس (رض) سے روایت کی کہ ابن عباس کہنے لگے کہ ” جناب رسول اللہ (صلی اللہ علیہ وآلہ وسلم) نے نماز عشاء کے بعد دو رکعت نماز ادا کی ‘ پھر دو رکعت پھر دو رکعت پھر دو رکعت ‘ پھر تین وتر ادا کیے “۔ پس یہ روایت اور ابن ابی داؤد کی روایت اس بات میں متفق ہوگئیں کہ آپ (صلی اللہ علیہ وآلہ وسلم) نے کل گیارہ رکعت ادا فرمائی۔ اور یہ بھی واضح ہوا کہ اس میں تین رکعت وتر تھے۔ اس سے معلوم ہوا کہ ابن ابی داؤد والی روایت ” ثم اوتر بواحدۃ “ کا مطلب یہ ہے دو کے ساتھ ایک اور ملائی جن کو پہلے پڑھا اور وتر بھی اس کے ساتھ شامل ہیں۔