Al Tahawi: Hadith 1932

١٩٣٢: عطاء نے ابو اسحاق سے نقل کیا کہ میں نے ابن عمر (رض) کے ساتھ جمعہ کی نماز ادا کی جب سلام پھیرا تو آپ نے کھڑے ہو کر دو رکعت ادا کیں پھر ابو اسحاق کہتے ہیں انھوں نے چار رکعت ادا کی پھر واپس لوٹے۔ یہ حضرت ابن عمر (رض) ہیں جو جمعہ کے پہلے دو پھر چار رکعت نفل پڑھتے تھے۔ اس میں اس بات کا احتمال ہے کہ آپ کا یہ عمل اس بنائے پر ہو کہ آپ (صلی اللہ علیہ وآلہ وسلم) کا ارشاد و عمل ثابت ہوا ہو۔ حضرت علی (رض) کی روایت بھی اس سلسلہ میں مروی ہے۔ ملاحظہ ہو۔
تخریج : مصنف ابن ابی شیبہ فی الصلاۃ ٢؍١٣٢۔
حاصل روایات : حضرت ابن عمر (رض) کا چھ رکعت پڑھنا ثابت ہو رہا ہے اور راوی کا عمل اس کے قول سے قوی تر ہے پہلے دو پڑھتے تھے اس لیے کہ انھوں نے اسی طرح دیکھا تھا بعد میں چار کا بھی علم ہوا تو وہ چھ رکعت ادا کرنے لگے۔
اس کی تائید کے لیے حضرت علی (رض) کا قول و عمل ملاحظہ ہو۔