Al Tahawi: Hadith 2037

٢٠٣٧: عکرمہ بن خالد نے مطلب بن وداعہ (رض) سے بیان کیا کہ میں نے جناب نبی اکرم (صلی اللہ علیہ وآلہ وسلم) کو دیکھا کہ آپ نے مکہ میں سورة نجم پڑھی اور سجدہ کیا پس میں نے آپ کے ساتھ سجدہ نہ کیا کیونکہ میں اسلام پر نہ تھا (اب) ہرگز میں اس کو نہ چھوڑوں گا۔ ان روایات سے اس میں سجدہ کا وجود ثابت ہوا۔ فصل اوّل میں جو روایات مذکور ہیں وہ سجدہ ہونے کے منافی نہیں ہیں۔ پس یہ بہتر ہے اس لیے کہ جو سجدے کا موقع نہ ہو وہاں سجدہ جائز نہیں اور یہ تو ممکن ہے کہ عارضہ کی وجہ سے کسی سجدہ کو چھوڑ دیا جائے وہ عوارض جن کا تذکرہ ہم فصل اول میں کرچکے۔ اگر کسی کو یہ اعتراض ہو اس میں بھی تو اس میں سجدہ نہ ہونے کی دلالت موجود ہے۔ روایت درج ذیل ہے۔
تخریج : نسائی فی الافتتاح باب ٤٩‘ مسند احمد ٣؍٤٢٠‘ مصنف عبدالرزاق ٥٨٨١‘ بیہقی فی السنن الکبرٰی ٢؍٣١٤۔
سوال : سورة النجم کے متعلق سجدہ نہ ہونے کی دلالت واضحہ موجود ہے یہ روایت ملاحظہ ہو۔