Al Tahawi: Hadith 2119

٢١١٩: صرب بن قیس حضرت ابوالدردائ (رض) سے نقل کرتے ہیں کہ جناب رسول اللہ (صلی اللہ علیہ وآلہ وسلم) جمعہ کے دن منبر پر خطبہ کے لیے بیٹھے اور ایک آیت تلاوت فرمائی میرے پہلو میں ابی بن کعب تشریف فرما تھے میں نے ان کو کہا اے ابی ! یہ آیت کب نازل ہوئی انھوں نے مجھ سے بات کرنے سے انکار کردیا جب تک کہ جناب رسول اللہ (صلی اللہ علیہ وآلہ وسلم) منبر سے نہیں اترے پھر کہنے لگے تمہیں تمہارے جمعہ سے سوائے لغو بات کے کچھ حاصل نہیں ہوا پھر جناب رسول اللہ (صلی اللہ علیہ وآلہ وسلم) جب واپس تشریف لے گئے تو میں آپ کی خدمت میں آیا اور میں نے اس بات کی اطلاع دی یارسول اللہ (صلی اللہ علیہ وآلہ وسلم) ! آپ نے خطبے میں آیت کی تلاوت فرمائی میرے پہلو میں اس وقت ابی بن کعب بیٹھے تھے میں نے ان سے سوال کیا یہ آیت کب اتری ؟ تو ابی نے مجھ سے بات کرنے سے انکار کردیا جب آپ منبر سے نیچے تشریف لائے تو اس نے مجھے کہا کہ تمہارے جمعہ کا تمہیں سوائے لغو بات کے کوئی فائدہ نہیں ہوا۔ آپ نے ارشاد فرمایا اس نے سچ کہا۔ جب تم امام کو کلام کرتے سنو تو خاموش ہوجاؤ یہاں تک امام نماز سے فارغ ہوجائے۔
تخریج : ابن ماجہ فی الاقامہ باب ٨٦‘ مسند احمد ٥؍١٤٣۔