Al Tahawi: Hadith 2611

٢٦١١: حبیب بن سلیمان نے سلیمان سے انھوں نے حضرت سمرہ (رض) سے نقل کیا کہ حضرت سمرہ (رض) نے اپنے بیٹوں کو لکھا جناب رسول اللہ (صلی اللہ علیہ وآلہ وسلم) ہمیں اس وقت حکم فرماتے جبکہ ہم میں سے کوئی نماز سے مشغول ہوجاتا (اور وہ نماز اس سے رہ جاتی) یا بھول جاتا اور نماز کا وقت گزر جاتا تو آپ فرماتے اس کو اس نماز کے ساتھ پڑھا جائے جو فرض نماز اس کے قریب ہے ‘ یہ دیگر حضرات نے ان کی مخالفت کرتے ہوئے کہا۔ بلکہ اسے اسی وقت ادا کرلے جب اسے یاد آئے خواہ اگلی نماز کا وقت داخل ہونے سے پہلے ہی ہو۔ اس پر اس قضاء کے علاوہ کوئی چیز لازم نہیں۔ انھوں نے اس سلسلہ میں ابو قتادہ اور عمران اور ابوہریرہ (رض) کی روایات سے استدلال کیا ہے کہ جناب رسول اللہ (صلی اللہ علیہ وآلہ وسلم) نماز صبح سے سو گئے یہاں تک کہ سورج طلوع ہوگیا تو آپ نے اس کو سورج کی دھوپ کے برابر ہونے پر ادا فرما لیا ‘ اس میں ظہر کے وقت کے داخل ہونے کا انتظار نہیں کیا۔ ہم اس روایت کو اس کے مکمل اسناد کے ساتھ دوسری جگہ ذکر کرچکے ہیں۔ دیگر روایات درج ذیل ہیں۔
تخریج : المعجم الکبیر ٧؍٢٥٤۔
حاصل روایات : بھول جانے والی نماز آئندہ فرض نماز کے ساتھ ادا کی جائے اور یہ ایک ادائیگی اس پر لازم ہے اور کچھ نہیں۔
مؤقف فریق ثالث : بھولی ہوئی نماز کو جب یاد آئے اسی وقت اوقات مکروہ کو چھوڑ کر ادا کرے قریب والی نماز کا انتظار ضروری نہیں۔
دلائل روایات ابو قتادہ ‘ عمران ‘ حضرت ابوہریرہ (رض) کی روایات ہیں۔