Al Tahawi: Hadith 2779

٢٧٧٩: سلیمان بن بشیر کہتے ہیں کہ میں نے اسود بن یزید ‘ ہمام بن حارث اور ابراہیم نخعی (رح) کے پیچھے نماز جنازہ ادا کی یہ سب چار تکبیر سے جنازہ ادا کرتے تھے۔ ہمام کہتے ہیں کہ عمر (رض) نے اہل بدر کے علاوہ بقیہ امت پر نماز جنازہ کے لیے صحابہ کرام کو جمع کیا گویا اہل بدر اس عموم سے مستثنیٰ ہیں اصحاب بدر پر خصوصیت کے ساتھ پانچ ‘ سات ‘ نو تکبیرات بھی پڑھی گئی ہیں۔ مذکورہ روایات سے یہ دلالت مل گئی کہ صحابہ کرام (رض) سے عہد فاروقی (رض) میں اجماع کیا کہ تکبیرات چار ہیں اور یہ حکم کو چار سے زیادہ پر برقرار رکھا پس جو روایت ہم نے زید بن ارقم (رض) سے نقل کی ہے وہ اس لیے نقل کی ہے کہ انھوں نے یہی رخ اختیار کیا ہے۔ جیسا ہماری رائے ہے (واللہ اعلم)
حاصل روایات : ان روایات سے اہل بدر پر چار سے زائد تکبیرات کا ثبوت ملتا ہے جبکہ دیگر پر علی (رض) کا عمل بھی چار تکبیر پڑھنے کا تھا پس فاروق اعظم (رض) کے زمانے میں اہل بدر کے علاوہ دوسرے لوگوں کے جنازے پر چار تکبیر کا اتفاق ہوا تھا اور جن صحابہ کرام سے چار سے زائد تکبیرات منقول ہیں وہ بدر یّین صحابہ کی خصوصیت کی وجہ سے ہے فلہٰذا ان کے عمل سے اس اجماع پر کوئی اثر نہیں پڑتا۔ اب زید بن ارقم اور حذیفہ بن یمان ] کی روایت کا آسان محمل نکل آیا اور چار تکبیر کا حکم ثابت رہا۔