Al Tahawi: Hadith 2808

٢٨٠٨: ثابت بنانی نے انس (رض) سے نقل کیا کہ جناب رسول اللہ (صلی اللہ علیہ وآلہ وسلم) کا سامنے والا دانت احد کے دن ٹوٹ گیا اور چہرہ مبارک زخمی کردیا گیا آپ اپنے چہرے سے خون پونچھ رہے تھے اور زبان مبارک پر یہ الفاظ تھے وہ قوم کیونکر کامیاب ہوگی جنہوں نے اپنے پیغمبر کے چہرے کو زخمی کردیا اور ان کے سامنے والے دانت کو توڑ دیا حالانکہ وہ ان کو اللہ تعالیٰ کی طرف بلا رہا ہے تو اللہ تعالیٰ نے یہ آیت اتاری : لَیْسَ لَک مِنَ الْأَمْرِ شَیْء ۔ (آل عمران ١٢٨) پس یہ کہنا بھی درست ہے کہ آپ (صلی اللہ علیہ وآلہ وسلم) درد کی وجہ سے ان پر جنازہ پڑھنے میں شامل نہ ہوئے ہوں اور دوسروں نے ان پر نماز جنازہ پڑھی ہو۔
تخریج : بخاری فی المغازی باب ٢١‘ مسلم فی الجہاد نمبر ١٠٣‘ ترمذی فی تفسیر سورة ٣‘ باب ١٠‘ ١١‘ ابن ماجہ فی الفتن باب ٢٣‘ مسند احمد ٣؍٩٩‘ ١٧٨‘ ٢٥٣‘ ٢٨٨۔
حاصل روایات : آپ کے سر ‘ چہرے پر شدید زخموں کا آنا ان روایات سے معلوم ہو رہا ہے ان شدید زخموں کی وجہ سے عین ممکن ہے کہ آپ (صلی اللہ علیہ وآلہ وسلم) نے نماز جنازہ بذات خود نہ پڑھی ہو اور دوسروں کو پڑھنے کا حکم فرمایا اور انھوں نے پڑھی ہو اگرچہ ابن وہب کی روایت اس طرح مذکور ہے۔
لغات : شج وجہہ۔ چہرے کا زخمی ہونا۔ یسلت الدم۔ خون پونچھنا۔ الامر۔ اختیار۔