Al Tahawi: Hadith 2857

٢٨٥٧: ابو رافع نے ابوہریرہ (رض) سے انھوں نے جناب نبی اکرم (صلی اللہ علیہ وآلہ وسلم) سے نقل کیا ہے آپ قبرستان میں داخل ہوئے اور وہاں ایک آدمی کی قبر پر دفن کے بعد نماز جنازہ پڑھی اور فرمایا یہ قبر اس کے لیے روشنی سے بھر دی گئی اس سے پہلے وہ اندھیر تھی۔ آپ (صلی اللہ علیہ وآلہ وسلم) نے ان کو رات کے وقت مردوں کو دفن سے اس لیے منع فرمایا تاکہ آپ خود ان پر جنازہ پڑھیں اور آپ کے نماز پڑھنے سے ان کو سعادت میسر ہو اور یہ بھی کیا گیا کہ یہ ممانعت دفن کسی اور وجہ سے تھی۔
تخریج : مسلم فی الجنائز نمبر ٧١۔
حاصل روایات : اس سے ثابت ہوگیا کہ ممانعت رات کے وقت دفن کی اس لیے فرمائی تاکہ کوئی میت آپ کی نماز جنازہ سے محروم نہ رہ جائے اور اس نماز جنازہ سے ان کو خوش نصیبی میسر ہو۔
جواب نمبر 2: کچھ لوگ اپنی اموات کو اچھی طرح کفن نہ دیتے تھے اور رات کو جیسے کیسے ہوتا دفن کردیتے تو آپ نے رات کے وقت دفن کی ممانعت فرما دی تاکہ ان لوگوں کی غلط حرکت کا خاتمہ ہو۔ جیسا کہ اس روایت میں ہے۔