Al Tahawi: Hadith 2970

٢٩٧٠: ابوالزبیر نے جابر (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح نقل کیا ہے۔ جب اونٹوں میں بھی زکوۃ کے علاوہ حق ہے۔ تو یہ احتمال ہے کہ گھوڑوں میں بھی اسی طرح ہو ۔ رہی وہ روایت جس کو حضرت عمر (رض) سے نقل کیا گیا ہے۔ ہمارے نزدیک اس میں ان کے حق میں کوئی دلیل نہیں ہے کیونکہ حضرت عمر (رض) نے ان سے اس لیے نہیں لیا کہ وہ ان کے ذمہ واجب ہے۔ حارثہ بن مضرب نے آپ سے وہ سبب بھی کھول دیا جس کی بناء پر حضرت عمر (رض) نے ان سے لیا تھا ۔ روایت ذیل میں ہے۔
یہ ہے جب اونٹوں میں بھی زکوۃ کے علاوہ حق ہے تو گھوڑوں کے متعلق بھی یہی احتمال ہے پس حق سے زکوۃ کو متعین مراد لینا درست نہ رہا۔
دوسری دلیل کا جواب : روایت عمر (رض) میں بھی اس بات کی دلیل نہیں کہ گھوڑوں میں زکوۃ لازم ہے کیونکہ عمر (رض) کے لینے سے یہ کہاں لازم آیا کہ وہ زکوۃ تھی ہم حارثہ بن مضرب کی روایت پیش کرتے ہیں جو گھوڑوں پر وصول کئے جانے والے اس مال کی حقیقت پر روشنی ڈالے گی۔ ملاحظہ ہو۔