Al Tahawi: Hadith 2969

٢٩٦٩: عامر نے فاطمہ بنت قیس (رض) سے انھوں نے جناب رسول اللہ (صلی اللہ علیہ وآلہ وسلم) سے کہ آپ نے فرمایا مال میں زکوۃ کے علاوہ حق ہے اور پھر یہ آیت تلاوت فرمائی : لیس البر ان تولو وجوہکم (البقرہ : ١٧٧) ہم جانتے ہیں کہ مال میں زکوۃ کے علاوہ حق بھی رکھا گیا ہے۔ تو اس میں اس بات کا احتمال ہے کہ اس سے گھوڑوں میں جو حق ذکر کیا گیا ہے وہ زکوۃ کے علاوہ ہو ۔ دوسری دلیل یہ ہے کہ حضرت ابوہریرہ (رض) کی جو روایت ذکر کی گئی ہے وہ باندھنے والے گھوڑوں سے متعلق ہے چرنے والوں سے متعلق نہیں ہے۔ ایک اور دلیل یہ ہے کہ ہم جانتے ہیں کہ جناب رسول اللہ (صلی اللہ علیہ وآلہ وسلم) نے چرنے والے اونٹوں کا تذکرہ فرمایا اور ارشاد فرمایا ان میں حق ہے ‘ ‘ پھر آپ سے اس حق کے متعلق سوال ہوا تو فرمایا : نر اونٹ جفتی کے لیے دینا اور پانی کے لیے عاریتًا ڈول دے دینا ‘ اور دودھ والا جانور استعمال کے لیے دے دینا۔
تخریج : ابن ماجہ فی الزکوۃ باب ٣۔
جب مال میں زکوۃ کے علاوہ حق بتلایا گیا ہے تو حق اللہ سے مراد جو گھوڑوں کے سلسلہ میں ذکر کیا گیا وہ وہی زکوۃ کے علاوہ ثابت ہونے والا حق ہے۔
اور دوسری بات یہ ہے کہ ابوہریرہ (رض) والی روایت میں جن کا تذکرہ ہے اس سے باندھ کر چارہ ڈالے جانے والے گھوڑے مراد ہیں اس سے چرنے والے گھوڑے مراد ہی نہیں باندھے جانے والے گھوڑوں میں تو بالاتفاق زکوۃ نہیں۔
تیسری بات یہ ہے کہ جناب رسول اللہ (صلی اللہ علیہ وآلہ وسلم) نے چرنے والے اونٹوں کا بھی تذکرہ فرمایا اور ان کے متعلق فرمایا ان میں حق ہے پھر اس حق کا سوال کیا گیا کہ وہ کیا ہے ؟ تو فرمایا نر گھوڑے کو جفتی کے لیے اذاد چھوڑنا اس کو پانی پلانے کے لیے ڈول عاریتاً دے دینا اس میں سے موٹے کو استعمال کے لیے دینا۔
تخریج : مسلم فی الزکوۃ نمبر ٢٨۔
یہ سابقہ دلیل کا جواب ہے۔ حق اللہ جس کا تذکرہ روایت میں پایا جاتا ہے زکوۃ کے علاوہ بھی ہوسکتا ہے جیسا کہ یہ روایت ظاہر کر رہی ہے۔
اسی روایت کو جابر (رض) نے بھی نقل کیا۔