Al Tahawi: Hadith 3195

٣١٩٤: حبیب بن ہند بن اسماء نے اپنے والد سے نقل کیا ہے کہ جناب رسول اللہ (صلی اللہ علیہ وآلہ وسلم) نے مجھے میری قوم اسلم کی طرف روانہ فرمایا تو فرمایا ان کو کہو کہ وہ عاشورہ کے دن کا روزہ رکھیں جس کو تم اس حالت میں پاؤ کہ وہ شروع دن میں کھاچکا ہے تو وہ دن کے آخری حصہ تک کھانے سے رکا رہے۔
تخریج : بخاری فی الصوم باب ٦٩۔
دس محرم الحرام کو عاشورہ کہا جاتا ہے اس کی وجہ تسمیہ خواہ دس انبیاء (علیہم السلام) پر اکرام خداوندی کا نزول ہو یا اور کچھ۔ اس میں بڑے بڑے واقعات پیش آئے جیسے غرق فرعون وغیرہ بعض فقہاء نے اس دن کھانے کی گھر میں وسعت کو مستحب کہا ہے نزول رمضان سے پہلے یہ روزہ فرض تھا اب یہ استحباب کے درجہ میں ہے نزول سے قبل کی حیثیت واضح کرنے کے لیے یہ باب لایا گیا ہے امام ابوحنیفہ و احمد رحمہم اللہ کے ہاں اس کا روزہ رمضان سے پہلے فرض تھا اب مستحب ہے۔
نمبر 2: رمضان سے پہلے بھی مسنون تھا اب استحباب کے درجہ میں ہے۔
نمبر 3: بالقصد تنہا عاشورہ کا روزہ مکروہ ہے یہ ابن عمر (رض) کا قول ہے۔
مؤقف فریق اوّل و دلائل : نزول رمضان سے قبل اس کا روزہ فرض تھا اب فرضیت منسوخ ہو کر استحباب رہ گیا دلائل یہ روایات ہیں۔