Al Tahawi: Hadith 3212

٣٢١١: حکم بن اعرج کہتے ہیں کہ میں نے ابن عباس (رض) سے کہا کہ آپ مجھے یوم عاشورہ کے متعلق بتلائیں تو وہ کہنے لگے کیا تم اس کے روزے سے متعلق پوچھتے ہو کہ میں کسی دن روزہ رکھوں تو فرمانے لگے جب تم نویں کی صبح کرو تو روزہ رکھو۔ میں نے پوچھا ؟ کیا حضرت محمد (صلی اللہ علیہ وآلہ وسلم) اسی طرح روزہ رکھتے تھے اس پر انھوں نے کہا جی ہاں ! تو یہ حضرت ابن عباس (رض) ہیں جن کی روایت گزری کہ آپ (صلی اللہ علیہ وآلہ وسلم) عاشوراء کا روزہ رکھتے تھے ۔ یہ اس بات کا ثبوت ہے کہ آپ کا روزہ نفلی تھا نہ کہ فرض۔ حضرت ابو سعید الخدری (رض) نے ان روایات میں جو انھوں نے حضرت ابن عباس (رض) سے نقل کی ہیں۔ ان میں اس علت کو واضح کیا جس کی بناء پر آپ (صلی اللہ علیہ وآلہ وسلم) نے اس دن روزہ رکھا ۔ روایت ملاحظہ کریں۔
تخریج : مسلم فی الصیام نمبر ١٣٢‘ ابو داؤد فی الصوم باب ٦٤۔
یہ ابن عباس (رض) بتلا رہے ہیں کہ وہ عاشورہ کے دن کا روزہ رکھتے تھے یہ بھی دلیل ہے کہ روزہ اختیاری تھا فرض نہ تھا ابن عباس (رض) کی سعید بن جبیر والی روایت میں مذکور علت بھی اس بات کی مؤید نظر آتی ہے۔