Al Tahawi: Hadith 3281

٣٢٨١ : سالم نے ابن عمر (رض) سے روایت نقل کی ہے کہ عمر (رض) کہنے لگے میں نے جناب رسول اللہ (صلی اللہ علیہ وآلہ وسلم) کو خواب میں دیکھا میں نے آپ کو اس حال میں پایا کہ آپ میری طرف دیکھتے ہی نہیں میں نے کہا یارسول اللہ (صلی اللہ علیہ وآلہ وسلم) ! میرا کیا معاملہ ہے ؟ (کہ جس سے آپ اعراض فرما رہے ہیں) آپ نے فرمایا کیا تو وہی نہیں جو روزے کی حالت میں بوسہ لیتا ہے ؟ میں نے کہا مجھے اس ذات کی قسم ہے جس نے آپ کو حق کے ساتھ بھیجا ہے میں آئندہ روزہ کی حالت میں کبھی بوسہ نہ لوں گا میں اس پر برقرار رہوں گا تو آپ نے فرمایا ٹھیک ہے۔ اور انھوں نے اس سلسلہ میں ابن مسعود (رض) کی ان روایات سے بھی استدلال کیا ہے۔ روایات ذیل میں ہیں۔