Al Tahawi: Hadith 3375

٣٣٧٥: حکم کہتے ہیں کہ میں نے ابوبکر بن عبدالرحمن بن حارث بن ہشام کو اپنے والد سے یہ بات بیان کرتے سنا کہ میں عائشہ (رض) امّ المؤمنین کی خدمت میں گیا انھوں نے مجھے بتلایا کہ جناب رسول اللہ (صلی اللہ علیہ وآلہ وسلم) جنابت کی حالت میں صبح کرتے پھر غسل فرماتے پھر مسجد کی طرف اس حالت میں جاتے کہ آپ کے سر مبارک سے غسل کے پانی کے قطرات ٹپک رہے ہوتے تھے پھر آپ اس دن کا روزہ بھی رکھ لیتے۔
پس میں نے اس بات کی اطلاع مروان کو دی تو اس نے کہا تم ابوہریرہ (رض) کے ہاں جاؤ اور ان کو اس بات کی اطلاع دو ۔
میں نے کہا وہ میرے دوست ہیں اس لیے ان کے ہاں جانے سے میں معذرت کرتا ہوں مروان نے کہا میں تمہیں قسم دیتا ہوں کہ تم ضرور بضرور جاؤ۔ چنانچہ میں اور میرے والد دونوں ابوہریرہ (رض) کی خدمت میں آئے اور میں نے ان کو اس کی اطلاع دی تو ابوہریرہ (رض) کہنے لگے۔ عائشہ (رض) مجھ سے زیادہ علم والی ہیں شعبہ کہتے ہیں رجسٹر میں اس طرح ہے اعلم برسول اللہ منی کہ وہ جناب رسول اللہ (صلی اللہ علیہ وآلہ وسلم) کو مجھ سے زیادہ جاننے والی ہیں۔