Al Tahawi: Hadith 3506

٣٥٠٧: عیینہ بن عبدالرحمن نے اپنے والد سے نقل کیا کہ میں حج کو گیا میرے ساتھ عثمان بن ابی العاص (رض) تھے جب احرام کا وقت آیا تو وہ کہنے لگے تم لوگ اپنے سروں کو سفید خطمی سے دھو لو اور اس کے علاوہ تم کسی چیز کو مت چھونا۔ مجھے اس کے متعلق اشکال ہوا چنانچہ میں مکہ پہنچا تو میں نے ابن عمر ‘ ابن عباس ] سے پوچھا ابن عمر کا جواب یہ تھا کہ میں اس کو پسند نہیں کرتا باقی ابن عباس (رض) کہنے لگے میں تو اس کو خوب سر پر ملوں گا پھر میں چاہوں گا کہ یہ میرے سر پر باقی رہے۔ تو یہ ابن عباس (رض) ہیں جنہوں نے حضرت عمر ‘ عثمان اور ابن عمر اور عثمان بن ابی العاص (رض) کی مخالفت کی ہے اور اس سلسلہ میں جناب نبی اکرم (صلی اللہ علیہ وآلہ وسلم) سے اس کی اباحت و جواز پر روایات وارد ہیں۔
حاصل روایات : اس میں ابن عباس (رض) نے ابن عمر ‘ عمر ‘ عثمان ‘ عثمان بن ابی العاص ] کی مخالفت کی ہے اور ان کی یہ بات جناب رسول اللہ (صلی اللہ علیہ وآلہ وسلم) کے طرز عمل کے موافق ہے۔
روایات ملاحظہ ہوں۔