Al Tahawi: Hadith 3993

٣٩٩٣: عطاء بن ابی رباح نے جابر (رض) کو سنا کہ جناب رسول اللہ (صلی اللہ علیہ وآلہ وسلم) سے اسی طرح کی روایت بیان کرتے تھے کہ جناب رسول اللہ (صلی اللہ علیہ وآلہ وسلم) لوگوں کے لیے رکے تو لوگ آپ (صلی اللہ علیہ وآلہ وسلم) سے سوال کرنے لگے۔ ایک آدمی نے آ کر پوچھا مجھے علم نہیں تھا اور میں نے رمی سے پہلے نحر کرلیا آپ (صلی اللہ علیہ وآلہ وسلم) نے فرمایا رمی کرلو اور کوئی حرج نہیں۔ دوسرے نے کہا یارسول اللہ (صلی اللہ علیہ وآلہ وسلم) مجھے یاد بھی نہ رہا اور میں ذبح سے پہلے حلق کرلیا آپ (صلی اللہ علیہ وآلہ وسلم) نے فرمایا ذبح کرو اور کوئی حرج نہیں۔ جابر (رض) کہتے ہیں اس دن جس نے کسی چیز کے مقدم و مؤخر کرنے کا سوال کیا آپ (صلی اللہ علیہ وآلہ وسلم) نے ان کو افعل ولاحرج سے جواب دیا۔ تو یہ مذکورہ بیان اس بات پر دال ہے کہ آپ نے بھول کی وجہ سے ان سے گناہ کو دور فرمایا۔ یہ مطلب نہیں کہ یہ ان کے لیے مباح و جائز ہو کہ اگر جان بوجھ کرلیں تو جائز ہوجائے اور حضرت ابو سعید خدری (رض) نے جناب نبی اکرم (صلی اللہ علیہ وآلہ وسلم) سے اس سلسلہ میں دو آیت کی جو اس پر دلالت کرتی ہے۔
امام طحاوی (رح) فرماتے ہیں ان تمام روایات میں حرج کی نفی فرمائی اس کی وجہ بھول جانا ہے اس کی وجہ یہ نہیں کہ ان کو ایسا کرنا مباح ہے کہ جس سے یہ سمجھ لیا جائے کہ جان بوجھ کر بھی ایسا کرنا درست ہے۔
روایت ابو سعید خدری (رض) کی دلالت بھی یہی ہے۔