Al Tahawi: Hadith 4224

٤٢٢٤: سالم بن عبداللہ بیان کرتے ہیں کہ ایک آدمی نے ابن عمر (رض) سے متعہ کے متعلق دریافت کیا تو انھوں نے فرمایا یہ حرام ہے۔ اس آدمی سے دوسرا سوال کیا کہ فلاں یہ کہتا ہے تو فرمانے لگے اللہ کی قسم ! اس آدمی کو معلوم ہے کہ جناب رسول اللہ (صلی اللہ علیہ وآلہ وسلم) نے خیبر کے دن اس کو حرام قرار دیا اور ہم زنا کار نہیں ہیں۔
تخریج : مسند احمد ٢؍٩٥‘ ١٠٤۔
حاصل روایات : ان روایات سے صاف طور پر متعہ کی ممانعت جناب رسول اللہ (صلی اللہ علیہ وآلہ وسلم) سے ثابت ہو رہی ہے اب رہی وہ روایات جس کو فریق اوّل نے استدلال میں پیش کیا ان میں اجازت معلوم ہوتی ہے تو ان روایات سے ان میں احتمال پیدا ہوگیا کہ وہ ممانعت سے پہلے کی روایات ہیں تو یہ نہی پہلے جواز کی ناسخ بن گئی۔