Al Tahawi: Hadith 4234

٤٢٣٤: شعبہ نے ابو جمرہ سے روایت کی ہے کہ میں نے ابن عباس (رض) سے عورتوں کے متعہ کے متعلق سوال کیا تو ان کے ایک آزاد کردہ غلام نے کہا یہ جہاد کے موقعہ پر ہوتا تھا جبکہ عورتوں کی تعداد تھوڑی ہوتی تھی حضرت ابن عباس (رض) نے یہ سن کر فرمایا تو نے سچ کہا۔ امام طحاوی (رح) فرماتے ہیں کہ یہ عمر فاروق (رض) ہیں جنہوں نے صحابہ کرام (رض) کی موجودگی میں متعہ سے منع فرمایا مگر ان میں سے کسی نے بھی ان کی اس بات کی مخالفت نہیں کی۔ پس یہ اس بات کی کھلی دلیل ہے کہ اس ممانعت کے سلسلہ میں انھوں نے آپ کی اتباع کی اس متعہ کی ممانعت پر اتفاق کیا نیز یہ اس متعہ کے منسوخ ہونے کی دلیل اور حجت ہے۔ پھر ابن عباس (رض) کا یہ قول کہ یہ اس وقت جائز کیا گیا جب عورتیں کم تعداد میں تھیں جب ان کی تعداد زیادہ ہوگئی تو وہ علت اور وجہ ختم ہوگئی جس کے باعث اسے جائز کیا گیا تھا۔ اسی طرح حضرت ابو ذر (رض) کا قول کہ یہ ہمارے ساتھ مخصوص تھا تو اس میں اس بات کا احتمال ہے جس کا ابن عباس (رض) نے ذکر کیا کہ عورتوں کی تعداد کم تھی اور حضرت جابر (رض) کا یہ قول کہ ہم متعہ کرتے رہے یہاں تک کہ حضرت عمر (رض) نے ہمیں اس سے منع کردیا تو اس کا مطلب یہ ہے کہ ہوسکتا ہے کہ جابر (رض) کو جناب رسول اللہ (صلی اللہ علیہ وآلہ وسلم) کی ممانعت کا علم نہ ہوا ہو یہاں تک کہ حضرت عمر (رض) کے قول سے ان کو معلوم ہوا اور ان کا اس کو ترک کردینا جسے جناب رسول اللہ (صلی اللہ علیہ وآلہ وسلم) نے ان کے لیے جائز قرار دیا تھا اس بات کی بین دلیل ہے کہ ان کے ہاں بھی اس کے منسوخ اور حرام ہونے پر دلیل قائم ہوچکی تھی۔ اس باب کے شروع میں متعہ کے جواز کے سلسلہ میں جو روایات نقل کی ہیں اس مذکورہ کلام سے ان کا منسوخ ہونا ضروری قرار پایا۔ بعض اہل علم نے فرمایا کہ جب چند دنوں کے لیے متعہ پر نکاح کیا جائے تو وہ نکاح ہمیشہ کے لیے جائز ہوجائے گا اور شرط ایام باطل ٹھہرے گی۔ اس کی دلیل یہ ہے۔ جناب رسول اللہ (صلی اللہ علیہ وآلہ وسلم) نے جب متعہ سے منع فرمایا تو ان صحابہ کرام سے فرمایا کہ جس شخص کے پاس ان عورتوں میں سے کوئی عورت ہو جن سے متعہ کیا جاتا ہے تو وہ اس کو جدا کر دے تو یہ اس بات کی دلالت ہے کہ پہلے ہونے والا یہ عقد (متعہ) دائمہ عقد کو لازم نہیں کرتا کیونکہ اگر وہ اس عقد کو ہمیشہ کے لیے واجب کرتا تو وہ شرط جس پر ان دونوں نے عقد کیا ہے باطل ہوجاتی اور نکاح فسخ نہ ہوتا اور جب نہی سے پہلے اس کی صحت اور جواز ثابت ہوگیا تو ان عورتوں کو جدا کرنے کے سلسلہ میں صحابہ کرام کو آپ (صلی اللہ علیہ وآلہ وسلم) کا حکم ملا جو اس بات کی کھلی دلیل ہے کہ اس قسم کے عقود سے ملک بضع حاصل نہیں ہوتی یہی امام ابوحنیفہ ‘ ابو یوسف ‘ محمد (رح) کا قول ہے۔
امام طحاوی (رح) کا ارشاد : یہ عمر فاروق (رض) ہیں جنہوں نے صحابہ کرام (رض) کی موجودگی میں متعہ سے منع فرمایا مگر ان میں سے کسی نے بھی ان کی اس بات کی مخالفت نہیں کی۔ پس یہ اس بات کی کھلی دلیل ہے کہ اس ممانعت کے سلسلہ میں انھوں نے آپ کی اتباع کی اس متعہ کی ممانعت پر اتفاق کیا نیز یہ اس متعہ کے منسوخ ہونے کی دلیل اور حجت ہے۔ پھر ابن عباس (رض) کا یہ قول کہ یہ اس وقت جائز کیا گیا جب عورتیں کم تعداد میں تھیں جب ان کی تعداد زیادہ ہوگئی تو وہ علت اور وجہ ختم ہوگئی جس کے باعث اسے جائز کیا گیا تھا۔ اسی طرح حضرت ابو ذر (رض) کا قول کہ یہ ہمارے ساتھ مخصوص تھا تو اس میں اس بات کا احتمال ہے جس کا ابن عباس (رض) نے ذکر کیا کہ عورتوں کی تعداد کم تھی اور حضرت جابر (رض) کا یہ قول کہ ہم متعہ کرتے رہے یہاں تک کہ حضرت عمر (رض) نے ہمیں اس سے منع کردیا تو اس کا مطلب یہ ہے کہ ہوسکتا ہے کہ جابر (رض) کو جناب رسول اللہ (صلی اللہ علیہ وآلہ وسلم) کی ممانعت کا علم نہ ہوا ہو یہاں تک کہ حضرت عمر (رض) کے قول سے ان کو معلوم ہوا اور ان کا اس کو ترک کردینا جسے جناب رسول اللہ (صلی اللہ علیہ وآلہ وسلم) نے ان کے لیے جائز قرار دیا تھا اس بات کی بین دلیل ہے کہ ان کے ہاں بھی اس کے منسوخ اور حرام ہونے پر دلیل قائم ہوچکی تھی۔
نوٹ : یہ ہوا اس باب کے شروع میں متعہ کے جواز کے سلسلہ میں جو روایات نقل کی ہیں اس مذکورہ کلام سے ان کا منسوخ ہونا ضروری قرار پایا۔
بعض اہل علم کا قول : بعض اہل علم نے فرمایا کہ جب چند دنوں کے لیے متعہ پر نکاح کیا جائے تو وہ نکاح ہمیشہ کے لیے جائز ہوجائے گا اور شرط ایام باطل ٹھہرے گی۔ اس کی دلیل یہ ہے۔
دلیل : جناب رسول اللہ (صلی اللہ علیہ وآلہ وسلم) نے جب متعہ سے منع فرمایا تو ان صحابہ کرام سے فرمایا کہ جس شخص کے پاس ان عورتوں میں سے کوئی عورت ہو جن سے متعہ کیا جاتا ہے تو وہ اس کو جدا کر دے تو یہ اس بات کی دلالت ہے کہ پہلے ہونے والا یہ عقد (متعہ) دائمہ عقد کو لازم نہیں کرتا کیونکہ اگر وہ اس عقد کو ہمیشہ کے لیے واجب کرتا تو وہ شرط جس پر ان دونوں نے عقد کیا ہے باطل ہوجاتی اور نکاح فسخ نہ ہوتا اور جب نہی سے پہلے اس کی صحت اور جواز ثابت ہوگیا تو ان عورتوں کو جدا کرنے کے سلسلہ میں صحابہ کرام کو آپ (صلی اللہ علیہ وآلہ وسلم) کا حکم ملا جو اس بات کی کھلی دلیل ہے کہ اس قسم کے عقود سے ملک بضع حاصل نہیں ہوتی یہی امام ابوحنیفہ ‘ ابو یوسف ‘ محمد (رح) کا قول ہے۔