Al Tahawi: Hadith 4523

٤٥٢٣: عبدالرحمن بن کعب بن مالک نے عبداللہ بن انیس (رض) سے روایت کی ہے کہ ہم دیہات میں رہتے تھے ہم نے خیال کیا کہ اگر ہم اپنے تمام اہل و عیال کو لائیں گے تو یہ ہمارے لیے گراں ہوگا اور اگر ان کو پیچھے چھوڑیں گے تو وہ ضائع ہوجائیں گے۔ پس انھوں نے مجھے بھیج دیا میں ان میں سب سے چھوٹا تھا میں جناب رسول اللہ (صلی اللہ علیہ وآلہ وسلم) کی خدمت میں حاضر ہوا اور میں نے آپ سے اس بات کا تذکرہ کیا تو آپ (صلی اللہ علیہ وآلہ وسلم) نے تئیسویں کی رات کا حکم فرمایا۔