Al Tahawi: Hadith 4533

٤٥٣٣: انس نے عبادہ بن صامت (رض) سے انھوں نے جناب نبی اکرم (صلی اللہ علیہ وآلہ وسلم) سے اسی طرح کی روایت نقل کی ہے۔ اس روایت میں یہ مذکور ہے کہ جناب نبی اکرم (صلی اللہ علیہ وآلہ وسلم) نے اس رات کو معینہ طور پر دیکھا اور اس کو دیکھنے کے بعد ان کو حکم دیا کہ وہ اب اس کی تحری کریں اور وہ نویں ‘ ساتویں اور پانچویں رات میں ہو اس سے یہ بات ثابت ہوئی کہ کسی سال میں معینہ رات ہوگی اور پھر اگلے سال وہ کسی اور رات میں ہوگی پس اس روایت کا مفہوم بھی وہی ہوگیا جو ہم نے عبداللہ بن انیس (رض) کی روایت کے سلسلہ میں ذکر کیا ہے اور یہ مفہوم تو حدیث ابوہریرہ (رض) میں بھی موجود ہے۔