Al Tahawi: Hadith 4674

٤٦٧٤: ہشام نے اپنے والد عروہ سے انھوں نے حضرت عائشہ (رض) سے روایت کی ہے کہ صحابہ کرام کا یہ کہنا کہ مہینہ انتیس دن کا ہوتا ہے اللہ کی قسم آپ (صلی اللہ علیہ وآلہ وسلم) نے اس طرح نہیں فرمایا۔ اللہ کی قسم مجھے خبر ہے جو آپ نے اس سلسلے میں فرمایا بلاشبہ آپ (صلی اللہ علیہ وآلہ وسلم) نے ہمیں چھوڑتے وقت فرمایا میں ایک ماہ تمہیں چھوڑے رکھوں گا اور ہوا یہ کہ انتیس راتیں گزریں تھیں کہ آپ تشریف لے آئے تو میں نے کہا اے اللہ کے نبی (صلی اللہ علیہ وآلہ وسلم) آپ نے تو ایک ماہ کی قسم اٹھائی تھی اور آپ ہم سے انتیس راتیں غائب رہے اس پر آپ نے فرمایا ہمارا یہ مہینہ انتیس راتوں کا ہے۔ اس سے یہ بات ثابت ہوئی کہ آپ کی قسم چاند دیکھتے ہی تھی اور حضرت عمر (رض) سے بھی اس سلسلہ میں مروی ہے۔ وہ ملاحظہ ہو۔