Al Tahawi: Hadith 4804

٤٨٠٤: ابن شہاب نے عبدالرحمن بن ازہر زہری (رض) سے روایت کی ہے کہ میں نے جناب رسول اللہ (صلی اللہ علیہ وآلہ وسلم) کو حنین کے دن دیکھا کہ لوگوں کے درمیان داخل ہو کر خالد بن ولید (رض) کے خیمہ کو پوچھ رہے تھے۔ اسی حالت میں آپ کے پاس ایک نشہ والا آدمی لایا گیا آپ (صلی اللہ علیہ وآلہ وسلم) نے اپنے قریب صحابہ کرام (رض) کو فرمایا (کہ اس کو مارو) تو انھوں نے جو کچھ ان کے ہاتھ میں تھا اس سے مارنا شروع کیا۔ پھر آپ نے اس پر مٹی پھینکی۔ پھر حضرت ابوبکر (رض) کے پاس ایک نشہ والا لایا گیا تو آپ نے اس کو بلایا جو ان لوگوں میں سے تھا جس نے آپ کے سامنے شراب نوشوں کو مارا تھا۔ پس اس نے اس کو چالیس کوڑے مارے۔ اس روایت کو ملاحظہ نہیں کرتے کہ حضرت ابوبکر (رض) نے جناب رسول اللہ (صلی اللہ علیہ وآلہ وسلم) کے بعد آپ کے مارنے پر غور کیا اور چالیس کوڑے مروائے۔ کیونکہ جناب رسول اللہ (صلی اللہ علیہ وآلہ وسلم) نے ان کو اس سلسلہ میں کسی معین مقدار سے آگاہ نہیں فرمایا تھا۔ جیسا یہ روایات بھی دلالت کرتی ہیں۔