Al Tahawi: Hadith 4992

٤٩٩١: عبیداللہ بن عبداللہ بن عتبہ بیان کرتے ہیں کہ کوفہ میں کچھ ایسے لوگ گرفتار ہوئے جو مسیلمہ کذاب کا مذہب پھیلا رہے تھے۔ پس ان کے متعلق حضرت عثمان بن عفان (رض) کو لکھا تو حضرت عثمان (رض) نے جواباً لکھا کہ ان کے سامنے دین حق پیش کرو اور لاالٰہ الا اللہ محمد رسول اللہ کی شہادت پیش کرو۔ جو ان میں سے قبول کر کے مسیلمہ سے برأت کا اظہار کرے اس کو مت قتل کرو اور جو مسیلمہ کے دین کو اختیار کئے رہے اسے قتل کر دو ۔ چنانچہ ان میں سے بعض افراد سے قبول کر لیاتو ان کو چھوڑ دیا گیا اور دوسروں نے مسیلمہ کے دین کو اختیار کئے رکھا ان کو قتل کردیا گیا۔