Al Tahawi: Hadith 5527

٥٥٢٦: ہشام بن عروہ نے اپنے والد سے انھوں نے حضرت عائشہ (رض) سے نقل کیا ہے کہ بریرہ میرے ہاں آ کر کہنے لگیں میں نے اپنے مالکوں سے ٩ اوقیہ چاندی پر مکاتبت کرلی ہے اور ہر سال ایک اوقیہ ادا کرنا ہے تم میری مدد کرو۔ تو حضرت عائشہ (رض) نے فرمایا اگر تمہارے مالک پسند کریں کہ میں ان کو گن دوں تو میں گن دوں گی اور ولاء میرے لیے ہوگی بریرہ اپنے مالکوں کے ہاں گئیں اور ان کو یہ بات بتلائی تو انھوں نے انکار کردیا۔ تو وہ مالکان کے ہاں سے ہو کر آئیں اس وقت جناب رسول اللہ (صلی اللہ علیہ وآلہ وسلم) تشریف فرما تھے وہ کہنے لگیں میں نے ان کو وہ بات پیش کی مگر انھوں نے انکار کردیا اور ولاء کی شرط لگائی تو اس بات کو جناب رسول اللہ (صلی اللہ علیہ وآلہ وسلم) نے سنا اور اس سے دریافت کیا تو عائشہ (رض) نے بات بتلائی تو آپ نے فرمایا تو اس کو خرید لو اور شرط لگا لو ولاء تو معتق کو ملتا ہے۔ تو عائشہ (رض) نے اسی طرح کیا پھر رسول اللہ (صلی اللہ علیہ وآلہ وسلم) لوگوں میں کھڑے ہوئے اور خطبہ دیا پھر زہری کی طرح روایت نقل کی ہے۔