Al Tahawi: Hadith 5927

٥٩٢٦: ضحاک بن منذر نے حضرت منذر (رض) سے روایت کی ہے کہ میں مقام بواریج میں تھا شام کو گائیں واپس لوٹ کر آئیں تو حضرت جریر (رض) نے ان میں ایک اجنبی گائے کو دیکھا۔ چرواہے سے دریافت کیا یہ کیسی گائے ہے ؟ اس نے کہا کسی کی گائے گائیوں کے ساتھ آگئی ہے مجھے علم نہیں کہ یہ کس کی ہے۔ حضرت جریر (رض) نے فرمایا اس کو دور چھوڑ آئیں یہاں تک کہ غائب ہوجائے پھر فرمایا میں نے جناب رسول اللہ (صلی اللہ علیہ وآلہ وسلم) سے سنا کہ آپ نے فرمایا گمشدہ کو گمراہ آدمی ٹھکانا دیتا ہے۔ یہ روایت بھی مؤقف اول کی تائید کرتی ہے اور گمشدہ چیز کو پکڑنا حرام قرار دیتی ہے۔ اس روایت میں یہ احتمال ہے کہ اس پکڑنے والے کو گمراہ قرار دیا گیا جو تعریف کی غرض نہ رکھتا ہو جیسا کہ یہ روایت اس کی مؤید ہے۔ ملاحظ ہو۔
تخریج : ابو داؤد فی اللقطہ ابن ماجہ فی اللقطہ باب ١‘ مسند احمد ٤؍٣٦٠۔
حاصل روایت : یہ روایت بھی مؤقف اول کی تائید کرتی ہے اور گمشدہ چیز کو پکڑنا حرام قرار دیتی ہے۔
فریق ثانی کا جواب : اس روایت میں یہ احتمال ہے کہ اس پکڑنے والے کو گمراہ قرار دیا گیا جو تعریف کی غرض نہ رکھتا ہو جیسا کہ یہ روایت اس کی مؤید ہے۔ ملاحظ ہو۔