Al Tahawi: Hadith 5954

٥٩٥٣: عالیہ ابو اسحق کی زوجہ کہتی ہیں کہ میں حضرت عائشہ (رض) کے پاس تھی تو ان کے پاس ایک عورت آ کر کہنے لگی اے امّ المؤمنین ! میں نے گمشدہ چیز پائی ہے آپ اس کے متعلق کیا حکم دیتی ہیں۔ انھوں نے فرمایا۔ اس کی تشہیر کرو اور چارہ ڈالو اور دودھ دوھ لو۔ وہ پھر لوٹ کر پوچھنے لگی تو حضرت عائشہ (رض) نے فرمایا تم ارادہ رکھتی ہو کہ میں تمہیں اس کی فروخت کا حکم دوں یا اس کو چھوڑنے کا کہوں۔ اس کا تمہیں اختیار نہیں۔ ان روایات سے یہ بات ثابت ہوگئی گمشدہ اور لقطہ کا حکم تمام احوال میں ایک جیسا ہی ہے۔ یہ امام ابوحنیفہ ‘ ابو یوسف ‘ محمد بن حسن رحمہم اللہ کا اس سلسلہ میں قول ہے۔
مکہ کے لقطہ و گمشدہ کا حکم :