Al Tahawi: Hadith 6048

٦٠٤٦: عطاء بن یسار نے حضرت ابوہریرہ (رض) سے روایت کی ہے کہ شہری کے خلاف دیہاتی کی گواہی قبول نہ کی جائے۔ امام طحاوی (رح) فرماتے ہیں : بعض لوگوں کا خیال ہے کہ دیہاتیوں کی گواہی شہریوں کے خلاف ناقابل قبول ہے۔ انھوں نے اس روایت کو بطور دلیل پیش کیا ہے۔ جو دیہاتی ان لوگوں سے ہو جو بلانے پر حاضر ہوجاتے ہیں تو ان میں وہ اسباب عدالت پائے جاتے ہیں جو شہریوں کے اہل عدالت میں پائے جاتے ہیں تو اس کی گواہی مقبول ہے اور وہ شہریوں کی طرح ہے اور جو دیہاتی بلانے پر حاضر نہیں ہوتے ان کی گواہی قابل قبول نہیں۔ جناب رسول اللہ (صلی اللہ علیہ وآلہ وسلم) سے اس سلسلہ میں یہ روایات وارد ہیں۔
تخریج : ابو داؤد فی الاقضیہ باب ١٧‘ ابن ماجہ فی الاحکام باب ٣٠‘ بتغیر یسیر من الالفاض۔
شہریوں کے خلاف دیہاتی لوگوں کی گواہی قابل قبول نہ ہوگی اس قول سے ایسے دیہاتی مراد ہیں جو اللہ اور اس کے رسول (صلی اللہ علیہ وآلہ وسلم) کے حکموں سے سرکشی اختیار کرنے والے ہیں مختلف دینی کاموں کی طرف بلانے کے باوجود نہ آئے باقی جو دیہاتی فرمان بردار اور نیک ہوں ان کا یہ حکم نہیں ہے۔