Al Tahawi: Hadith 6151

٦١٤٩: عابس بن ربیعہ کہتے ہیں کہ میں حضرت عائشہ (رض) کی خدمت میں آیا اور میں نے پوچھا اے امّ المؤمنین کیا جناب رسول اللہ (صلی اللہ علیہ وآلہ وسلم) نے تین دن سے زیادہ قربانی کا گوشت کو رکھنا حرام قرار دیا تھا کہنے لگی نہیں لیکن قربانیاں بہت تھوڑی ہوتی تھیں تو آپ نے اس کا حکم فرمایا تاکہ قربانی کرنے والا اور نہ کرنے والا دونوں کھا سکیں تم نے دیکھا ہوگا کہ ہم بکریوں کے پائے اٹھا رکھتے ہیں پھر ان کو تین دن کے بعد کھاتے ہیں۔ عین ممکن ہے کہ وہ قافلے کثرت سے ہوں اور لوگوں میں قربانیاں تھوڑی ہوں تو جناب رسول اللہ (صلی اللہ علیہ وآلہ وسلم) نے ان کو اس بناء پر صدقے کا حکم فرمایا ہو پس اس روایت کا معنی بھی پہلی روایت کی طرف لوٹ گیا اور حضرت عائشہ (رض) سے بھی یہ بات مروی ہے اور یہ سارے گوشت کو صدقہ کردینے والا حکم آپ نے بطور عزیمت نہیں دیا (یعنی لازم کے طور پر) بلکہ آپ نے صدقے کی ترغیب کے لیے یہ بات فرمائی روایت یہ ہے۔
تخریج : نسائی فی الضحایا باب ٣٧‘ مسند احمد ٦؍١٠٢۔