Al Tahawi: Hadith 6224

٦٢٣٢: ابراہیم نے انھوں نے اسود سے انھوں نے حضرت عائشہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) کی خدمت میں گوہ کو بطور ہدیہ پیش کیا گیا تو آپ نے اس کو نہ کھایا تو اسی وقت ایک سائل آگیا حضرت عائشہ (رض) اس کو دینے کا ارادہ کیا تو آپ نے فرمایا کیا تم اس کو وہ چیز دینا چاہتی ہو جو خود نہیں کھاتی ہو۔
امام محمد (رح) فرماتے ہیں کہ اس روایت سے یہ دلالت مل گئی کہ جناب رسول اللہ (صلی اللہ علیہ وآلہ وسلم) نے اس کو اپنے اور دوسروں کے لیے ناپسند کیا ہے اور ہم اسی کو اختیار کرتے ہیں۔ امام طحاوی (رح) فرماتے ہیں کہ اس روایت میں آپ کے مؤقف کی دلیل نہیں ہے اس لیے کہ یہ ممکن ہے کہ آپ نے سائل کو کھلانا ناپسند کیا ہو۔ اس کی وجہ یہ تھی کہ حضرت عائشہ (رض) نے اس کو ناپسند کیا تھا اگر وہ اس کو ناپسند نہ کرتیں تو وہ اسے اس کو کھانے کے لیے نہ دیتیں حالانکہ سائل جو جو وہ کھلانا چاہتی تھیں وہ محض اللہ تعالیٰ کی رضا کے لیے تھا۔
پس جناب رسول اللہ (صلی اللہ علیہ وآلہ وسلم) نے ارادہ فرمایا کہ جو کھانا تقرب الی اللہ کے لیے دیا جائے وہ بہترین کھانا ہو۔ جیسا کہ آپ (صلی اللہ علیہ وآلہ وسلم) نے ردی بسر (تازہ کھجور) اور ردی خشک کھجور کو صدقہ کرنے سے منع فرمایا۔ روایت یہ ہے۔