Al Tahawi: Hadith 6606

٦٦٠٣: علی بن معبد نے محمد بن حسن اور ابو یوسف نے امام ابوحنیفہ (رح) سے یہ قول نقل کیا ہے۔ اصحاب امالی کا قول ہے کہ بشر بن ولید نے ابو یوسف سے انھوں نے امام ابوحنیفہ (رح) سے نقل کیا دانتوں کو سونے (کے تار) سے باندھنے میں کوئی حرج نہیں۔ امام محمد کا قول ہے کہ سونے (کے تار) سے باندھنے میں کوئی حرج نہیں۔ امام ابوحنیفہ (رح) کی دلیل ہے کہ محمد (رح) نے ابو یوسف (رح) سے جو امام ابوحنیفہ (رح) کا قول نقل کیا ہے اس میں یہ ہے کہ سونے اور ریشم کے استعمال سے منع کیا گیا اور ریشم کی اس ممانعت میں ریشم کا لباس اور زخموں پر پٹی باندھنا بھی شامل ہے اسی طرح سونے کے استعمال سے منع کیا گیا اس میں دانت کا باندھنا بھی شامل ہے۔ امام محمد کی دلیل ہے کہ امام ابوحنیفہ (رح) کا جو قول محمد (رح) نے ابو یوسف (رح) کی وساطت سے نقل کیا اس میں زخم پر مرہم پٹی کے لیے ریشمی پٹی کا جواز مذکور ہے کیونکہ یہ دواء ہے جیسا کہ جناب رسول اللہ (صلی اللہ علیہ وآلہ وسلم) نے حضرت زبیر اور عبدالرحمن بن عوف (رض) کے لیے خارش کی وجہ سے ریشم کے پہننے کو جائز قرار دیا۔ اسی طرح ریشمی کپڑے سے مرہم پٹی کا بھی حکم ہے۔ اگر اس سے کم مدت میں زخم درست ہوتا ہو جیسا کہ ریشمی کپڑا خارش کا علاج ہے تو پھر کوئی حرج نہیں اور اگر زخم کا علاج نہ ہو تو پھر یہ اور دوسری پٹیاں برابر ہیں اس صورت میں ریشمی پٹی مکروہ ہوگی پس اسی طرح سونے کا حکم ہے اگر اس سے بدبو سے حفاظت ہو اور چاندی کی طرح بدبو نہ دینے لگے تو تب کوئی حرج نہیں جناب رسول اللہ (صلی اللہ علیہ وآلہ وسلم) نے عرفجہ بن اسعد (رض) کے لیے سونے کی ناک بنوانے کی اجازت مرحمت فرمائی تھی۔ (روایت یہ ہے)
سونے کے تار سے دانت کی بندش جائز ہے یا نہیں۔ سونے کے تار سے بندش درست نہیں البتہ چاندی سے درست ہے۔ اس قول کو امام ابوحنیفہ (رح) نے اختیار فرمایا۔ !: سونے کے تار سے دانتوں کی بندش درست ہے اس قول کو امام محمد (رح) نے اختیار کیا اور امام ابو یوسف (رح) کا قول بھی یہی ہے۔
امام طحاوی (رح) کہتے ہیں : اگر کسی آدمی کا دانت ہلنے لگے وہ اس کو سونے سے مضبوط کرنا اور باندھنا چاہتا ہو اس میں علماء کا اختلاف ہے۔
امام ابوحنیفہ (رح) فرماتے ہیں کہ سونے سے باندھنا جائز نہیں۔ البتہ چاندی سے ان کو باندھ سکتا ہے۔