Al Tahawi: Hadith 6674

٦٦٧١: مقدام بن شریح نے اپنے والد سے انھوں نے حضرت عائشہ (رض) سے روایت کی ہے کہ جو شخص تمہیں یہ بیان کرے کہ جناب رسول اللہ (صلی اللہ علیہ وآلہ وسلم) کھڑے ہو کر پیشاب کرتے تھے اس نے آپ پر جھوٹ بولا میں نے جناب رسول اللہ (صلی اللہ علیہ وآلہ وسلم) کو بیٹھ کر پیشاب کرتے دیکھا۔ اس روایت میں اس بات پر دلالت ہے جس کی حضرت عائشہ (رض) تردید کر رہی ہیں کہ جو یہ کہتا ہے کہ میں نے جناب نبی اکرم (صلی اللہ علیہ وآلہ وسلم) کو کھڑے ہو کر پیشاب کرتے دیکھا ہے جبکہ خود حضرت عائشہ (رض) نے جناب نبی اکرم (صلی اللہ علیہ وآلہ وسلم) کو بیٹھ کر پیشاب کرتے دیکھا۔ تو اس میں ہمارے ہاں اس بات کی کوئی دلیل نہیں ہے کہ آپ نے کھڑے ہو کر کبھی پیشاب نہیں کیا بلکہ ممکن ہے کہ آپ نے کسی وقت بیٹھ کر اور دوسرے وقت (ضرورۃً ) کھڑے ہو کر پیشاب کیا ہو۔ تو حضرت عائشہ (رض) نے ایسی کوئی بات نقل نہیں کی جو کھڑے ہو کر پیشاب کی کراہت (تحریمی) پر دلالت کرتی ہو۔
دیگر صحابہ کرام ] سے اس کا ثبوت :