Al Tahawi: Hadith 6758

٦٧٥٥: عمران بن مسلم کہتے ہیں کہ میں نے حضرت انس بن مالک (رض) کو اس حالت میں بیٹھے دیکھا کہ انھوں نے اپنے ایک پاؤں کو دوسرے پر رکھا ہوا ہے۔ یہ روایات ہم نے اجلہ صحابہ کرام (رض) سے کی ہیں۔ جس کی وضاحت قیاس و نظر سے ہو سکے تاکہ ہم اس قیاس کو دوسرے ابواب کی طرح یہاں بھی استعمال کریں لیکن جب ہم جناب نبی اکرم (صلی اللہ علیہ وآلہ وسلم) سے وہ روایات نقل کرچکے جو کہ شروع باب میں آئیں اور حضرت کعب بن عجرہ (رض) سے روایت وارد ہوئی کہ کسی شخص کو جناب رسول اللہ (صلی اللہ علیہ وآلہ وسلم) کی مخالفت جائز نہیں تو ہمارے ہاں اس کا مطلب یہ ہے۔ واللہ اعلم۔ کہ کسی شخص کو اس پر عمل اس لیے جائز نہیں کہ جناب رسول اللہ (صلی اللہ علیہ وآلہ وسلم) نے اس سے منع فرمایا اور جناب رسول اللہ (صلی اللہ علیہ وآلہ وسلم) کی مخالفت جائز نہیں۔ دوسری فصل میں وہ روایات لائی گئیں جن سے اس عمل کا جواز ثابت ہوتا ہے کیونکہ جناب رسول اللہ (صلی اللہ علیہ وآلہ وسلم) نے خود یہ عمل کیا۔ اب ان دونوں روایات میں اس بات کا احتمال ہے کہ یہ ایک دوسری کے لیے ناسخ ہوں۔ پس جب حضرت ابوبکر و عمرو عثمان (رض) جو خلفاء راشدین اور ہادی مہدی ہیں ان کو جناب رسول اللہ (صلی اللہ علیہ وآلہ وسلم) سے قرب رہا اور وہ جناب رسول اللہ (صلی اللہ علیہ وآلہ وسلم) کو دوسروں سے زیادہ جاننے والے ہیں انھوں نے تمام صحابہ کرام کی موجودگی میں یہ عمل کیا اور ان میں وہ حضرات بھی ہیں جنہوں نے کراہت سے متعلق جناب رسول اللہ (صلی اللہ علیہ وآلہ وسلم) سے وہ روایات نقل کی ہیں۔ ان میں سے کسی نے بھی انکار نہیں کیا۔ پھر حضرت ابن مسعود ‘ ابن عمر ‘ اسامہ بن زید ‘ انس بن مالک (رض) نے یہ عمل کیا اور ان پر بھی کسی نے اعتراض نہیں کیا تو اس سے یہ ثابت ہوگیا کہ ان دو مرفوع روایات میں سے اس روایت پر اہل علم کا عمل ہے۔ اس کے ساتھ وہ باطل ہوا جو اس کے خلاف ہے جیسا کہ ہم نے ذکر کیا اور تفصیل سے بیان کیا۔ اور حضرت حسن (رح) سے تو دوسرے معنی پر دلالت کرنے والی روایت بھی مروی ہے۔ ملاحظہ ہو۔