Al Tahawi: Hadith 6761

٦٧٥٨: ابو بردہ نے حضرت ابو موسیٰ (رض) سے انھوں نے جناب نبی اکرم (صلی اللہ علیہ وآلہ وسلم) سے روایت کی ہے جب تم میں سے کوئی ہماری مسجد سے گزرے یا مساجد سے گزرے اور اس کے ہاتھ میں تیر ہوں۔ تو وہ اس کا پھل ہاتھ میں تھام لے۔ کہیں اس کے ساتھ کسی کو زخمی نہ کر دے۔ امام طحاوی (رح) فرماتے ہیں : بعض لوگ اس طرف گئے ہیں کہ مسجد سے گزرنے میں کچھ حرج نہیں خواہ آدمی کوئی چیز اٹھانے والا ہو۔ انھوں نے اس روایت کو دلیل بنایا ہے۔ فریق ثانی کا مؤقف ہے کہ کسی کو مناسب نہیں کہ وہ مسجد میں کوئی چیز اٹھاکر گزرے سوائے اس کے کہ وہ نماز یا صدقہ کا ارادہ رکھتا ہو اور اگر وہ مسجد کو عبور کرنا چاہتا ہو تو یہ مکروہ ہے۔ مذکورہ روایت میں احتمال ہے کہ ممکن ہے کہ جناب رسول اللہ (صلی اللہ علیہ وآلہ وسلم) صدقہ کے لیے داخل ہوئے ہوں۔
تخریج : بخاری فی الفتن باب ٧‘ مسلم فی البر ١٢٠‘ نسائی فی المساجد باب ٢٦‘ ابن ماجہ فی الادب باب ٥١‘ دارمی فی المقدمہ باب ٥٣‘ مسند احمد ٣؍٣٠٨۔
خلاصہ الزام :
بعض لوگوں کا خیال یہ ہے کہ مسجد سے گزرنے میں کوئی حرج نہیں خواہ کوئی چیز اٹھائے ہوئے ہو۔
فریق ثانی : مسجد میں سے کسی چیز کو اٹھاکر گزرنا ویسے عبور کے لیے گزرنا جائز نہیں بلکہ مکروہ ہے۔
اس پر آثار سے دلالت :