Al Tahawi: Hadith 6848

٦٨٤٥: ابو صالح نے حضرت ابوہریرہ (رض) سے روایت کی ہے کہ جناب رسول اللہ (صلی اللہ علیہ وآلہ وسلم) نے فرمایا کسی کا پیٹ اگر پیپ سے بھرا ہو یہ اس کے لیے اس سے بہتر ہے کہ وہ شعر سے بھرا ہو۔ امام طحاوی (رح) کہتے ہیں : شعروں کو نقل کرنا بعض لوگوں نے مکروہ قرار دیا اور انھوں نے ان روایات سے استدلال کیا۔ فریق ثانی کا مؤقف ہے کہ شعر نقل کرنے میں کوئی حرج نہیں جس میں فحش گفتگو نہ ہو۔ فریق اوّل کا کہنا ہے کہ جناب رسول اللہ (صلی اللہ علیہ وآلہ وسلم) سے مروی روایات میں وہ خاص قسم کے اشعار ہیں جو فحش گوئی وغیرہ پر مشتمل ہوں۔ جیسا ان روایات سے معلوم ہوتا ہے۔